«Էհ, Ամստերդամ/Ռոտերդամն էլ չօգնեց». Արայիկ Հարությունյանը` ՀԷՑ-ի հետ կապված որոշման մասին

ՀՀ վարչապետի աշխատակազմի ղեկավար Արայիկ Հարությունյանը Ֆեյսբուքի իր էջում անդրադարձել է Ստոկհոլմի արբիտրաժային տրիբունալի՝ ՀԷՑ-ին առնչվող վերջին որոշմանը:

«Էհ, Ամստերդամ/Ռոտերդամն էլ չօգնեց: Ստոկհոլմի արբիտրաժային տրիբունալը ամբողջությամբ մերժել է ՀԷՑ-ի գործով Կարապետյանների միջնորդության բոլոր պահանջները՝ եզրակացնելով, որ նրանց կողմից պահանջված ապահովման միջոցները հիմնավորված չեն»,- գրել է Հարությունյանը:

Հիշեցնենք` ավելի վաղ ՀՀ կառավարությունը հայտնել էր, որ Ստոկհոլմի արբիտրաժային տրիբունալը 2025 թվականի դեկտեմբերի 24-ին ամբողջությամբ մերժել է Liormand Holdings Limited-ի, Սամվել Կարապետյանի, Էթերի Կարապետյանի, Սարգիս Կարապետյանի և Կարեն Կարապետյանի (այսուհետ՝ «Հայցվորներ») կողմից ներկայացված միջնորդությունը։