Հայաստանը տարածաշրջանում ապրելու համար ամենաթանկ երկիրն է
Կյանքի արժեքի ցուցանիշներով Հայաստանը Հարավային Կովկասի երկրների շարքում զբաղեցնում է առաջին տեղը։ Այս մասին վկայում են կյանքի արժեքի և որակի վերաբերյալ աշխարհի խոշորագույն տվյալների բազայի՝ Numbeo-ի հրապարակած տվյալները։
Վարկանիշում Հայաստանը գտնվում է 87-րդ հորիզոնականում։ Վրաստանը զբաղեցնում է 116-րդ, իսկ Ադրբեջանը՝ 122-րդ տեղը։
Տարածաշրջանի այլ երկրներից Թուրքիան ցուցակում 93-րդն է, Ռուսաստանը՝ 104-րդը։
Numbeo-ի ինդեքսը ձևավորվում է մի շարք գործոնների հաշվառմամբ, այդ թվում՝ կյանքի արժեքը, սննդամթերքի և բնակարանի գները, հանցավորության մակարդակը, առողջապահության և տրանսպորտի որակը, ինչպես նաև այլ ցուցանիշներ։
