Մեծ Բրիտանիան ժամանակավոր փակել է դեսպանությունը Իրանում
Թեհրանում Մեծ Բրիտանիայի դեսպանատունը ժամանակավորապես դադարեցրել է գործունեությունը, և դիվանագիտական առաքելության բոլոր աշխատակիցները հետ են կանչվել երկրից՝ Իրանում շարունակվող բողոքի ցույցերի պատճառով։
«Թեհրանում Մեծ Բրիտանիայի դեսպանատունը ժամանակավորապես փակ է։ Իրանի համար ճանապարհորդական խորհուրդները, ներառյալ հյուպատոսական ծառայությունների վերաբերյալ տեղեկատվությունը, համապատասխանաբար թարմացվել են», - ասվում է Մեծ Բրիտանիայի կառավարության մամուլի ծառայության գրավոր հայտարարության մեջ։
Ճանապարհորդական խորհուրդներում ընդգծվում է, որ անվտանգության նկատառումներից ելնելով՝ դեսպանատան բոլոր աշխատակիցները ժամանակավորապես հեռացել են Իրանից։ «Այնուամենայնիվ, դիվանագիտական առաքելությունը կշարունակի ծառայություններ մատուցել հեռակա կարգով», - հայտարարել է Արտաքին գործերի և համագործակցության նախարարությունը։
