Ֆրանսիայից հայտնել են՝ ինչ է պատահել Մակրոնի աչքի հետ

Ֆրանսիայի նախագահ Էմանուել Մակրոնի աչքը կարմրեց Իստր ավիաբազայում զինվորների առջև ունեցած ելույթի ժամանակ արյան անոթի պայթելու պատճառով, հայտնել է Ելիսեյան պալատը Le Parisien-ին։

«Դա պարզապես աչքի մեջ գտնվող մի փոքրիկ արյունատար անոթ էր։ Այն լիովին անվնաս էր», - ասվում է Ելիսեյան պալատի բժշկի զեկույցում։

Թերթը հաղորդում է, որ զինվորների հետ հանդիպումից առաջ Մակրոնը ներողություն է խնդրել իր աչքի «տհաճ տեսքի» համար և վստահեցրել, որ «ոչ մի լուրջ բան» չի պատահել։