Վենեսուելայի նախագահի լիազորված ներկայացուցիչը վերսկսկել է գրառումները․ նա հանդես է եկել կոչով

Վենեսուելայի նախագահի լիազորված ներկայացուցիչ Դելսի Ռոդրիգեսը հայտարարել է X սոցիալական հարթակի միջոցով հաղորդակցության վերականգնման մասին՝ գրեթե մեկուկես տարվա ընդմիջումից հետո։ Համապատասխան հայտարարությունը նա հրապարակել է իր էջում, չնայած այն հանգամանքին, որ տվյալ սոցիալական ցանցը երկրում շարունակում է մնալ արգելափակված։

«Մենք վերսկսում ենք կապը այս ալիքի միջոցով։ Վենեսուելան շարունակում է կանգուն մնալ՝ ուժով և պատմական պատասխանատվությամբ»,- գրել է Ռոդրիգեսը իր հրապարակման մեջ։

Նա նաև կոչ է արել համախմբման և շարունակական շարժման՝ ուղղված տնտեսական կայունությանը, սոցիալական արդարությանը և համընդհանուր բարեկեցության պետության ձևավորմանը։

Նշվում է, որ Դելսի Ռոդրիգեսի X-ի էջը շուրջ մեկուկես տարի չի օգտագործվել հրապարակային հայտարարությունների համար։

Միաժամանակ հաղորդվում է, որ X սոցիալական հարթակի արգելափակումը Վենեսուելայում պաշտոնապես չի հանվել։ Ո՛չ Կարակասի իշխանությունները, ո՛չ էլ Իլոն Մասկին պատկանող սոցիալական ցանցի ներկայացուցիչները չեն հայտարարել երկրում հարթակի աշխատանքի վերականգնման մասին։