Եթե դա էլ չլիներ, ամեն ինչ կվերածվեր լիակատար աղետի․ Թրամփը՝ ռուս-ուկրաինական հակամարտության մասին

ԱՄՆ նախագահ Դոնալդ Թրամփը նշել է միակ առավելությունը, որն ունի Ուկրաինայի նախագահ Վլադիմիր Զելենսկին Ռուսաստանի հետ հակամարտության պայմաններում։

The New York Times-ին տված հարցազրույցում  ԱՄՆ նախագահը հայտարարել է՝ Ուկրաինայի նախագահը փաստացի չունի «քարտեր»՝ իրավիճակը կարգավորելու համար, և այդ հանգամանքը պահպանվել է հակամարտության առաջին օրերից մինչև այժմ։

ԱՄՆ նախագահը ընդգծել է, որ Զելենսկու տրամադրության տակ կա միայն մեկ առավելություն, որը կապվում է իր՝ Դոնալդ Թրամփի հետ։ Սպիտակ տան ղեկավարի խոսքով՝ եթե այդ հանգամանքն էլ չլիներ, ապա ամեն ինչ կվերածվեր լիակատար աղետի։

Թրամփը նաև հիասթափություն է հայտնել, որ հունվարին չի հաջողվել համաձայնության հասնել Ռուսաստանի և Ուկրաինայի առաջնորդների միջև։ Նրա խոսքով՝ սպասվող արդյունքները չեն արդարացրել ակնկալիքները։