Վրաստանի նախկին վարչապետը կդատապարտվի ազատազրկման

Վրաստանի դատախազությունը դատավարական համաձայնագիր է կնքել նախկին վարչապետի պաշտոնը զբաղեցրած Իրակլի Ղարիբաշվիլիի հետ։ Համաձայնագրի շրջանակում դատարանը նրան դատապարտել է հինգ տարվա ազատազրկման՝ Վրաստանի քրեական օրենսգրքի 194-րդ հոդվածի 3-րդ մասով նախատեսված հանցագործության համար։

Բացի ազատազրկումից, դատարանը Ղարիբաշվիլիի նկատմամբ կիրառել է նաև լրացուցիչ պատիժ՝ մեկ միլիոն լարի տուգանք։ Ինչպես նաև որոշվել է պետության օգտին բռնագանձել այն գումարը, որը, ըստ դատախազության, ձեռք է բերվել հանցավոր ճանապարհով և հայտնաբերվել է նրա բնակարանում իրականացված խուզարկության ընթացքում։

Դատախազության հաղորդագրության համաձայն՝ Իրակլի Ղարիբաշվիլին ընդունել է իրեն առաջադրված մեղադրանքը և համաձայնել է գործընթացային համաձայնագրի պայմաններին։ Դատախազության միջնորդությունը դատարանի կողմից արդեն իսկ բավարարվել է։

Հիշեցնենք, որ  դատարանը առգրավվել էր նրա անձնագիրը և սահմանվել էր երկրից դուրս գալու արգելք։