Վենեսուելան՝ ԱՄՆ-ի և Չինաստանի մրցակցության կենտրոնում. Reuters
Վենեսուելայում իրականացված ԱՄՆ գործողության նպատակներից մեկը Չինաստանին քաղաքական ուղերձ փոխանցելն էր՝ կոչ անելով չմեծացնել ներգրավվածությունը Ամերիկայի տարածաշրջանում։ Այդ մասին հայտնում է Reuters գործակալությունը՝ հղում անելով ամերիկացի պաշտոնյայի մեկնաբանությանը։
Պաշտոնյայի խոսքով՝ ավարտվել է այն փուլը, երբ Պեկինը Վենեսուելային տրամադրում էր վարկեր և ֆինանսավորում՝ փոխարենը նավթ ստանալով շահավետ պայմաններով։ Նրա գնահատմամբ՝ Վաշինգտոնը նպատակ ունի փոխել տարածաշրջանում ձևավորված ուժերի հարաբերակցությունը և սահմանափակել Չինաստանի տնտեսական ազդեցությունը։
Գործակալությունը հավելում է, որ Վենեսուելայի շուրջ իրավիճակը դիտարկվում է ԱՄՆ–Չինաստան գլոբալ մրցակցության համատեքստում, որտեղ կողմերը ձգտում են ամրապնդել իրենց դիրքերը տարբեր աշխարհագրական ուղղություններում։
