Նոր առաջարկ Գերմանիայից՝ Գրենլանդիայի վերաբերյալ. Bloomberg
Գերմանիան ծրագրում է նախաձեռնել ՆԱՏՕ-ի հետ համատեղ նոր առաքելություն՝ «Արկտիկական պահապան» անվամբ, որը կներառի նաև Գրենլանդիան։ Այդ մասին հայտնում է Bloomberg գործակալությունը՝ հղում անելով իր աղբյուրներին։
Նախաձեռնության նպատակն է ամրապնդել դաշինքի ներկայությունը Արկտիկայում և նվազեցնել լարվածությունը ԱՄՆ-ի հետ՝ Գրենլանդիայի շուրջ առաջացած հարցերի ֆոնին։
Գործակալությունը նշում է, որ նախաձեռնությունը գտնվում է քննարկման փուլում և դեռևս վերջնական որոշում չի կայացվել։ Այնուամենայնիվ, մի շարք դաշնակից երկրներ հետաքրքրված են Արկտիկայում անվտանգության համակարգված մեխանիզմների ձևավորմամբ՝ տարածաշրջանի ռազմավարական նշանակության աճի պայմաններում։
Նշվում է, որ Միացյալ Թագավորությունը նույնպես բանակցություններ է վարում ՆԱՏՕ-ի գործընկերների հետ՝ Գրենլանդիա հնարավոր զորք ուղարկելու հարցի շուրջ։ Քննարկումները շարունակվում են, իսկ պաշտոնական հաստատումներ այս փուլում դեռ չեն հնչել։
