Թրամփը ստորագրել է հուշագիր՝ ԱՄՆ-ի 66 միջազգային, այդ թվում՝ ՄԱԿ-ին կից կազմակերպություններից դուրս գալու մասին. Սպիտակ տուն

ԱՄՆ նախագահ Դոնալդ Թրամփը հուշագիր է ստորագրել, որով հանձնարարել է ԱՄՆ-ին դուրս գալ 66 միջազգային կազմակերպություններից, որոնք, Սպիտակ տան հայտարարության համաձայն, այլևս չեն սպասարկում ամերիկյան շահերը։

Հուշագրի համաձայն՝ բոլոր գործադիր գերատեսչությունները և գործակալությունները դադարեցնում են մասնակցությունն ու ֆինանսավորումը ՄԱԿ-ի անդամ չհանդիսացող 35 կազմակերպությունների և ՄԱԿ-ի 31 կառույցների, որոնք գործում են ԱՄՆ ազգային շահերին, անվտանգությանը, տնտեսական բարգավաճմանը կամ ինքնիշխանությանը հակառակ։

Նշվում է, որ այս քայլերը կդադարեցնեն ամերիկացի հարկատուների միջոցների ուղղումը այն կազմակերպություններին և դրանց գործունեությանը, որոնք առաջ են մղում գլոբալիստական օրակարգեր՝ ԱՄՆ առաջնահերթությունների փոխարեն, կամ որոնք անարդյունավետ կերպով են զբաղվում կարևոր հարցերով, որպեսզի հարկատուների միջոցները առավել նպատակային բաշխվեն՝ համապատասխան առաքելություններին աջակցելու համար։