Միացյալ Նահանգները պատրաստվում է համաշխարհային պատերազմի. Թաքեր Կարլսոն
ԱՄՆ նախագահ Դոնալդ Թրամփի՝ մինչև 2027 թվականը պաշտպանական բյուջեն մինչև 1.5 տրիլիոն դոլար ավելացնելու որոշումը վկայում է, որ ԱՄՆ-ն պատրաստվում է նոր համաշխարհային պատերազմի: Այս մասին հայտնել է ամերիկացի լրագրող Թաքեր Կարլսոնը։
«Նախագահը հայտարարեց Պենտագոնի բյուջեն 1 տրիլիոն դոլարից մինչև 1.5 տրիլիոն դոլար ավելացնելու մասին... սա այնպիսի բյուջե է, որը կարելի է ակնկալել համաշխարհային կամ տարածաշրջանային պատերազմի պատրաստվող երկրից... ակնհայտ է, որ մենք շարժվում ենք այդ ուղղությամբ՝ դեպի համաշխարհային պատերազմ», - գրել է նա իր X-ում։
Կարլսոնի խոսքով՝ ԱՄՆ պաշտպանական բյուջեի նման աճի այլ պատճառներ չկան։
«Արդարացի է ակնկալել, և բոլոր նշանները ցույց են տալիս, որ մենք շուտով, շատ շուտով մեծ պատերազմ ենք ունենալու։ Կարծում եմ՝ բոլորը սպասում են դրան, չնայած հույս ունեն, որ դա տեղի չի ունենա, բայց ակնհայտ է, որ մենք շարժվում ենք այդ ուղղությամբ... Կներեք», - եզրափակել է նա։
