Թրամփը կասկածի տակ է դրել ՆԱՏՕ-ի պատրաստակամությունը՝ ԱՄՆ-ին օգնության հասնելու հարցում
ԱՄՆ նախագահ Դոնալդ Թրամփը կասկածում է, որ ՆԱՏՕ-ն անհրաժեշտության դեպքում կհասնի Միացյալ Նահանգներին օգնության: Սպիտակ տան ղեկավարը այս մասին հայտարարել է TruthSocial սոցիալական ցանցում։
«Ես կասկածում եմ, որ ՆԱՏՕ-ն կլինի այնտեղ, երբ մենք իսկապես դրա կարիքը կունենանք», - գրել է ամերիկացի առաջնորդը։
Անցյալ տարվա նոյեմբերին Լեհաստանի վարչապետ Դոնալդ Տուսկը հայտարարել էր, որ ՆԱՏՕ-ն անկայունության շրջան է ապրում Թրամփի անկանխատեսելիության պատճառով: Նա ասել է, որ կազմակերպությունը տարիների ընթացքում ապացուցել է իր արդյունավետությունը բազմաթիվ վայրերում և իրավիճակներում, և որ Լեհաստանի «ոչ միշտ հաճելի» հարևանները դարձել են հավատարիմ դաշնակիցներ:
