Մեզ պետք է Գրենլանդիան ազգային անվտանգության համար. Թրամփ

ԱՄՆ-ն «պետք է» վերահսկի Գրենլանդիան, ասել է նախագահ Դոնալդ Թրամփը The Atlantic-ին տված հեռախոսազրույցում Վենեսուելայում ռազմական գործողության ֆոնին։

«Մեզ անպայման պետք է Գրենլանդիան։ Մեզ այն պետք է պաշտպանության համար», - ասել է նա։

Ըստ Սպիտակ տան՝ կղզին, որը Դանիայի ինքնավար տարածք է, «շրջապատված է ռուսական և չինական նավերով»։

Սպիտակ տան աշխատակազմի ղեկավարի տեղակալ Սթիվեն Միլլերի կինը՝ Քեյթի Միլլերը, X-ում տեղադրել է Գրենլանդիայի քարտեզի պատկեր, որը գունավորված է ամերիկյան դրոշի գույներով՝ գրառումը մակագրելով. «Շուտով»։

Գրենլանդիայի վարչապետ Յենս-Ֆրեդերիկ Նիլսենը պատասխանել է՝ ընդգծելով, որ Գրենլանդիան վաճառքի համար չէ, և որ դրա ապագան «չի որոշվում սոցիալական ցանցերի գրառումներով»։ Նա հավելել է, որ երկրների և ժողովուրդների միջև հարաբերությունները պետք է հիմնված լինեն հարգանքի և միջազգային իրավունքի վրա, այլ «ոչ թե խորհրդանշական նշանակումների», որոնք անտեսում են տարածքի կարգավիճակն ու իրավունքները։

Դեկտեմբերին Թրամփը Լուիզիանայի նահանգապետ Ջեֆ Լենդրիին նշանակել է Գրենլանդիայի հարցերով իր հատուկ դեսպանորդ։ Ի պատասխան՝ Դանիայի արտաքին գործերի նախարար Լարս Լյոկե Ռասմուսենը հայտարարել է, որ ԱՄՆ դեսպան Քեն Հաուերիին բացատրություն տալու համար կանչելու իր մտադրության մասին։

2025 թվականի հունվարին պաշտոնը ստանձնելուց ի վեր Թրամփը բազմիցս հայտարարել է Գրենլանդիան անեքսիայի ենթարկելու իր մտադրության մասին։