Մենք հիանալի հանդիպում ունեցանք. Թրամփ
ԱՄՆ նախագահ Դոնալդ Թրամփը բարձր է գնահատել Ուկրաինայի նախագահ Վլադիմիր Զելենսկու հետ Հանդիպումը Մար-ա-Լագոյի նստավայրում: Այս մասին նա հայտարարել է Սպիտակ տան կողմից հեռարձակված բանակցություններից հետո տեղի ունեցած ճեպազրույցի ժամանակ։
«Մենք հիանալի հանդիպում ունեցանք... Մենք մոտ ենք, գուցե նույնիսկ շատ մոտ»,- ասել է Թրամփը։
Նա հավելել է , որ կողմերը քննարկել են «շատ հարցեր» և 95% առաջընթացի են հասել հակամարտության կարգավորման գործում։
Զելենսկին էլ հայտարարել է բոլոր թեմաների արդյունավետ քննարկման մասին՝ ընդգծելով, որ երկու կողմերը պայմանավորվել են ԱՄՆ-ի կողմից Ուկրաինայի համար անվտանգության երաշխիքների մասին:
