Աշխարհի վերջն է․ Գանացի ինքնահռչակ մարգարեի հայտարարությունից հետո խուճապ է

Աշխարհի վերջն է: Այդպես է պնդում Գանայից ինքնահռչակ «մարգարե» Էբո Նոյը։ Նա հայտարարում է, որ Աստված նախազգուշացրել Է իրեն նոր համաշխարհային ջրհեղեղի մասին։

Նա նախապես պատրաստվել է սպասվող աղետին և կառուցել է ութ տապան, որոնք նախատեսված են մարդկանց փրկության համար։ Նրա խոսքով՝ տապանները պետք է ծառայեն որպես ապաստան ջրհեղեղի ընթացքում։

Տեղական աղբյուրների փոխանցմամբ՝ հայտարարությունից հետո Գանայի որոշ շրջաններում նկատվում է մարդկանց կուտակում։ Հազարավոր քաղաքացիներ, ովքեր հավատում են ներկայացված կանխատեսմանը, փորձում են հասնել տապաններին՝ հույս ունենալով ապահովել իրենց անվտանգությունը, հնարավոր աղետի դեպքում։

Պաշտոնական կառույցները և գիտական շրջանակները չեն հաստատել ներկայացված տեղեկությունները։ Մինչ այս պահը որևէ բնական կամ օդերևութաբանական մարմին չի հայտարարել համաշխարհային ջրհեղեղի անմիջական վտանգի մասին։

Սակայն դեկտեմբերի 25-ի նախօրեին «մարգարե» Էբո Նոյը հայտարարել էր, որ ապոկալիպսիսը հետաձգվում է ։