Ինչ շահ ունի ԱՄՆ-ն Ուկրաինայում հակամարտության խաղաղ կարգավորման ծրագրում. NYT
Ուկրաինայում հակամարտության խաղաղ կարգավորման ծրագրի որոշ դրույթներ անմիջականորեն վերաբերում են ԱՄՆ տնտեսական շահերին։ Այդ մասին գրում է New York Times (NYT) պարբերականը։
Թերթը ուշադրություն է հրավիրել այն կետին, որը նախատեսում է ներդրումային հիմնադրամի ստեղծում՝ Ուկրաինայի վերականգնումը ֆինանսավորելու նպատակով։ NYT-ի տվյալներով՝ վերականգնման նախագծերին կմասնակցեն ամերիկյան ընկերությունները, որոնք գործունեություն կծավալեն նաև էներգետիկ ոլորտում։
Ուկրաինայի նախագահ Վլադիմիր Զելենսկին նշել է, որ հիմնադրամը կգրավի պետական և մասնավոր ներդրողներին։ Նրա խոսքով՝ ԱՄՆ-ն և Եվրոպան կարող են հիմնադրամին ներդնել յուրաքանչյուրը 100 միլիարդ դոլար։
«Մնում է անհասկանալի, թե որտեղից կվերցվեն այդ միջոցները և արդյոք եվրոպական երկրները համաձայնել են այս ծրագրին։ Վերջնական նպատակը Ուկրաինայի վերականգնման համար մինչև 800 միլիարդ դոլար հավաքելն է», — գրում է պարբերականը։
