Թուրքիայի նախագահը Իսրայելը անվանել է «աղետ» Մերձավոր Արևելքի համար
Թուրքիայի նախագահը Իսրայելը անվանել է «աղետ» Մերձավոր Արևելքի համար՝ մեղադրելով Իսրայելի վարչապետ Բենիամին Նեթանյահուի կառավարությանը երկրի վրա հարձակվելու մեջ։
«Վերջին երկու տարիների ընթացքում Իսրայելը հարձակվել է Մերձավոր Արևելքի յոթ երկրների վրա։ Նեթանյահուի կառավարությունը աղետ է եղել ոչ միայն տարածաշրջանի, այլև Իսրայելի ժողովրդի համար։ Հիմա նույն այս ղեկավարությունը ցանկանում է շեղել ուշադրությունը իր հանցագործություններից՝ հարձակվելով մեր երկրի վրա»,- կայքում գրառման մեջ գրել է Թուրքիայի նախագահի խորհդական Բուրհանեթթին Դուրանը։
Ըստ նրա՝ հեգնանքն այն է, որ Իսրայելի առաջնորդները խոսում են տարածաշրջանի այլ երկրների իմպերիալիստական նկրտումների մասին, մինչդեռ իրենք հենց նոր են կատարել պատմության ամենասարսափելի ցեղասպանություններից մեկը։
«Իսրայելը անկայունացնող ուժ է, և նրանց երկարատև հիստերիկ հայտարարությունները Թուրքիայի ուժի և ազդեցության մասին պարզապես ծիծաղելի են», - հայտարարել է Դուրանը։
Թուրքիայի նախագահ Ռեջեփ Թայիփ Էրդողանը բազմիցս քննադատել է Իսրայելի վարչապետ Բենիամին Նեթանյահուին՝ Իսրայելի կողմից Իրանի և պաղեստինյան ՀԱՄԱՍ շարժման ներկայացուցիչների դեմ հարվածների ֆոնին։ Թուրք առաջնորդը շեշտել է, որ Անկարան կշարունակի աջակցել Իսրայելի ագրեսիայի դեմ պայքարող երկրներին։
