Թուրքիայում 12-ամյա աշակերտը հրազենից կրակել է դպրոցի տնօրենի վրա. նա ծանր վիրավորում է ստացել
Թուրքիայի Մերսին նահանգի Անամուռի շրջանի դպրոցներից մեկի բակում 12-ամյա աշակերտը հրազենից կրակել է դպրոցի տնօրենի վրա։
Թուրքական ԶԼՄ-ի փոխանցմամբ՝ 12–ամյա Մ.Կ.–ն դեռևս անհայտ պատճառներով մոտը գտնված հրազենով կրակել է դպրոցի տնօրեն Էնդեր Քարայի ուղղությամբ։ Ծանր վիրավորում ստացած տնօրենին տեղափոխել են հիվանդանոց։ Բժիշկները պայքարում են նրա կյանքի համար։
Դեպքի հետ կապված հետաքննություն է սկսվել։
