Ռուսաստանը չի պատրաստվում հարձակվել ՆԱՏՕ-ի և ԵՄ-ի վրա. ԱԳՆ
Ռուսաստանը մտադիր չէ հարձակվել ՆԱՏՕ-ի և Եվրամիության երկրների վրա։ Այս մասին հայտարարել է ՌԴ փոխարտգործնախարար Սերգեյ Ռյաբկովը «Վալդայ» միջազգային քննարկման ակումբի «(Ոչ)ստրատեգիական կայունություն 2025. միջազգային անվտանգության մեկ տարվա արդյունքներ» թեմայով քննարկման ընթացքում։
Ռյաբկովի խոսքով՝ Ռուսաստանի Դաշնությունը չի հետապնդում այն ագրեսիվ նպատակները, որոնք հաճախ վերագրվում են իրեն արևմտյան երկրների կողմից։ Նա ընդգծել է, որ Մոսկվայի դիրքորոշումը հիմնված է անվտանգության հավասար և անբաժանելի սկզբունքի վրա։
Դիվանագետը հիշեցրել է նաև Ռուսաստանի նախագահ Վլադիմիր Պուտինի հայտարարությունը, ըստ որի՝ Մոսկվան նույնիսկ պատրաստ է իրավաբանորեն ամրագրել այդ դիրքորոշումը՝ ներկայիս ճգնաժամի հնարավոր կարգավորման համատեքստում։
