Պուտինը նշել է՝ որ երկիրն է ՀՆԱ–ի աճով առաջատարը
ԵԱՏՄ անդամ պետությունների տնտեսությունները ցույց տվեցին համախառն ՀՆԱ–ի աճ, Ղրղզստանն առաջատար է՝ ավելի քան 10% աճով: Այս մասին հայտարարել է ՌԴ նախագահ Վլադիմիր Պուտինը։
Ելույթ ունենալով Եվրասիական տնտեսական բարձրագույն խորհրդի ընդլայնված նիստում՝ ՌԴ ղեկավարը նշեց նաև միության այլ ցուցանիշներ. «Գյուղատնտեսական արտադրանքի ընդհանուր ծավալն աճել է ավելի քան 2 %-ով, մանրածախ առևտուրը՝ 3 %-ով, իսկ շինարարությունը՝ 4.7 %-ով։ Ռուսաստանից ԵԱՏՄ երկրներ ոչ էներգետիկ արտահանման մասնաբաժինը աճել է գրեթե 20%-ով՝ հասնելով 32 միլիարդ դոլարի։ Միությունը նաև ստեղծել է անկախ և կայուն վճարային համակարգ. համատեղ հաշվարկներում ազգային արժույթների մասնաբաժինը կազմում է 93%։
Իրականացվել է Եվրասիական տնտեսական ինտեգրման հնգամյա ռազմավարություն։ Հետագա ինտեգրման ջանքերը պետք է հիմնված լինեն նախկինում հաստատված «Եվրասիական տնտեսական ուղի» հռչակագրի վրա, որը գործում է մինչև 2045 թվականը։ Այս հռչակագրի ճանապարհային քարտեզը կհաստատվի այսօր»,-ասել է նա:
