Մակրոնը կոչ է արել ԵՄ-ին վերականգնել Ռուսաստանի հետ երկխոսությունը
Ֆրանսիայի նախագահ Էմանուել Մակրոնը հայտարարել է, որ Ռուսաստանի նախագահ Վլադիմիր Պուտինի հետ երկխոսության վերսկսումը կարող է օգտակար լինել Եվրոպայի համար, մեջբերում է Le Figaro-ն։
Ֆրանսիայի առաջնորդը այս հայտարարությունն արել է այն բանից հետո, երբ ԵՄ երկրները համաձայնվել են Ուկրաինային հատկացնել 90 միլիարդ եվրո։ Նա կարծում է, որ առաջիկա շաբաթներին եվրոպական պետությունները պետք է գտնեն Ռուսաստանի հետ լիարժեք երկխոսությունը վերսկսելու ուղիներ և ձևաչափեր։
Մակրոնը ընդգծել է, որ նման շփումները պետք է իրականացվեն կազմակերպված ձևով, համակարգված ԵՄ երկրների միջև և լիովին թափանցիկ եղանակով։ Նա նշել է, որ երկխոսության վերականգնումը բխում է ինչպես Ֆրանսիայի, այնպես էլ մյուս եվրոպական պետությունների շահերից։
