«ԵՄ-ում ռուսաֆոբներին Ուկրաինայում խաղաղություն պետք չէ». Զախարովա
Ուկրաինայի ֆինանսավորումը շարունակելու Եվրոպական խորհրդի որոշումը հաստատում է, որ «ԵՄ-ում ռուսաֆոբներին Ուկրաինայում խաղաղություն պետք չէ»: Այս մասին հայտարարել է ՌԴ ԱԳՆ ներկայացուցիչ Մարիա Զախարովան։
Զախարովան Եվրոպական խորհրդի կողմից Կիևի համար ռուսական ակտիվները փոխհատուցելու համար իր ենթադրյալ «իրավունքի» մասին հայտարարությունը որակել է որպես իրավական նիհիլիզմ։
Ավելի վաղ հայտնել էինք, որ ԵՄ առաջնորդները համաձայնել են Ուկրաինային տրամադրել 90 միլիարդ եվրոյի վարկ առաջիկա երկու տարիների ընթացքում, հաղորդում է FT-ն։
Վարկը կապահովվի ԵՄ ընդհանուր բյուջեի չօգտագործված միջոցներով, այլ ոչ թե Եվրոպայում արգելափակված ռուսական ակտիվներով։ Բրյուսելի գագաթնաժողովի մասնակիցների խոսքով՝ Ուկրաինան պարտավոր կլինի մարել վարկը Ռուսաստանի կողմից փոխհատուցումների վճարումից հետո։
