Ես Կուպյանսկում եմ, որը ռուսները գրավել էին․ Զելենսկի
Ուկրաինայի նախագահ Վլադիմիր Զելենսկին Պաշտպանության ուժերի հաջող գործողությունից հետո այցելել է Կուպյանսկ։ APA-ի լրատվական գործակալության փոխանցմամբ՝ Զելենսկին իր Telegram ալիքում հրապարակել է տեսանյութ, որը նկարահանված է Կուպյանսկ քաղաքի մուտքի մոտ։
«Ռուսները շատ են խոսում Կուպյանսկի մասին, մենք տեսնում ենք արդյունքները։ Ես շնորհակալություն եմ հայտնում այստեղ կռված յուրաքանչյուր ստորաբաժանմանը, բոլոր նրանց, ովքեր ոչնչացրել են օկուպանտներին»,- ասել է Ուկրաինայի նախագահը։
Զելենսկին նշել է, որ ճակատում արդյունքների հասնելը Ուկրաինայի համար չափազանց կարևոր է դիվանագիտական գործընթացում արդյունքների ապահովման տեսանկյունից։
Հաղորդվում է, որ նախագահ Զելենսկին գտնվել է ռուսական դիրքերից 1.15 կմ, իսկ «մոխրագույն գոտուց»՝ 500 մետր հեռավորության վրա։
Հավելենք՝ նոյեմբերի 20-ին Ռուսաստանի բանակի գլխավոր շտաբի պետ Վալերի Գերասիմովը նախագահ Վլադիմիր Պուտինին զեկուցել էր Կուպյանսկի գրավման մասին։
