Մենք պլանավորում ենք նոր Սահմանադրություն առաջարկել ժողովրդին. Նիկոլ Փաշինյան
Հայաստանում չկա միանձնյա իշխանություն, Հայաստանում կա ժողովրդի իշխանություն և ժողովուրդն իր իշխանությունը ձևավորում է ազատ ընտրությունների միջոցով: Այս մասին ճեպազրույցի ժամանակ ասաց վարչապետ Նիկոլ Փաշինյանը:
«Մենք պլանավորում ենք նոր Սահմանադրություն առաջարկել ժողովրդին և ժողովուրդը հնարավորություն կունենա որոշում կայացնել: Իհարկե, ես արդեն ասել եմ, որ նոր Սահմանադրություն ընդունելիս կարևոր է հաշվի առնել և ուշադրության կենտրոնում ունենալ պետության զարգացման և հարատևության օրակարգը»,-նշեց նա:
Փաշինյանը նաև հավելեց, որ ժողովրդի իշխանությունը Հայաստանի Հանրապետությունում անկասելի է, անբեկանելի է, անքննելի է և ամեն ինչ պետք է տեղավորել այդ համատեքստում:
