Գերմանիան 100 միլիոն եվրո կհատկացնի Ուկրաինային
Գերմանիան հայտարարում է 100 միլիոն եվրոյի ֆինանսական աջակցություն Ուկրաինայի էներգետիկ հատվածի վերականգնման համար։ Գումարը կուղղվի հատուկ աջակցման հիմնադրամին և կծախսվի թափանցիկ մրցույթների միջոցով ձեռք բերվող սարքավորումների ու պահեստամասերի գնման վրա։
Բեռլինը հաստատել է Ուկրաինայի էներգետիկ ենթակառուցվածքների վերականգնմանը աջակցելու նոր փաթեթ, որի շրջանակում կհատկացվի 100 միլիոն եվրո։
Ֆինանսական միջոցները կփոխանցվեն Ուկրաինայի էներգետիկայի աջակցման հիմնադրամին, որը կօգտագործի դրանք առաջնահերթ կարիքների համար։ Նշվում է, որ հատկացված գումարը կծախսվի անհրաժեշտ սարքավորումների, տեխնիկայի և պահեստամասերի ձեռքբերման վրա։
