Արմանը նրա համար լուրջ սպառնալիք է․ Իլիա Թոփուրիան խուսափում է Ծառուկյանից. UFC-ի նախկին չեմպիոն
UFC-ի գերթեթև քաշային կարգի նախկին չեմպիոն Թի Ջեյ Դիլաշոն անդրադարձել է թեթև քաշային կարգի տիտղոսային մենամարտի շուրջ ստեղծված իրավիճակին՝ հայտարարելով, որ գործող չեմպիոն Իլիա Թոփուրիան խուսափում է գլխավոր հավակնորդ Արման Ծառուկյանի հետ հանդիպումից։
Թեև Դիլաշոն բարձր է գնահատում չեմպիոնի մարտական որակները, նա վստահ է, որ Թոփուրիան Ծառուկյանի մեջ իրական վտանգ է տեսնում.
«Ես իսկապես կարծում եմ, որ Իլիան փախչում է Արմանից։ Իմ կարծիքով՝ Թոփուրիան ներկայումս UFC-ի ամենատեխնիկական մարտիկն է, սակայն Արմանը նրա համար լուրջ սպառնալիք է։ Արմանը խոշոր է և ֆիզիկապես ուժեղ։ Նա ունի բռնցքամարտի գրագետ տեխնիկա և հիանալի գրեփլինգ։ Սա չափազանց բարդ մենամարտ կլինի Իլիայի համար»։
