Ռուսաստանը դեռ պատրաստ չէ հրապարակայնորեն քննարկել Թրամփի խաղաղության ծրագիրը. Սերգեյ Ռյաբկով

ՌԴ փոխարտգործնախարար Սերգեյ Ռյաբկովը հայտարարել է, որ ռուսական կողմը դեռ պատրաստ չէ հրապարակայնորեն քննարկել ԱՄՆ նախագահ Դոնալդ Թրամփի վարչակազմի կողմից մշակված՝ Ուկրաինայում կոնֆլիկտի կարգավորման խաղաղության ծրագիրը։

«Մենք պատրաստ չենք հրապարակայնորեն քննարկել տեղի ունեցողի որոշ մանրամասներ, այդ թվում՝ այդ խաղաղության ծրագրի տարբերակները։ Ի վերջո, անհրաժեշտ է ժամանակ և ուշադրություն, որպեսզի երկխոսության գործընթացը շարունակվի»,- ասել է դիվանագետը։

Ռյաբկովը նախկինում ընդգծել էր, որ Ուկրաինայի կարգավորման շուրջ ԱՄՆ-ի հետ բանակցություններում Ռուսաստանի համար շատ կարևոր է այն փոխըմբռնման պահպանումը, որին հասել են Ալյասկայի Անկորիջ քաղաքում ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի հանդիպման ժամանակ։