Բանակի թվաքանակի նվազման մասին խոսակցություններն իրականությանը չեն համապատասխանում. Պապիկյան
Ազգային ժողովում պարտադիր զինծառայության ժամկետի կրճատման նախագիծը քննարկելիս Պաշտպանության նախարար Սուրեն Պապիկյանը նշեց, որ բանակը կրճատվելու վերաբերյալ պնդումները կապ չունեն իրականության հետ։
Նախարարը բացատրեց․ «1.5 տարի հետո մենք նույն թվաքանակով մարդկանց զորակոչելու ենք բանակ, ուղղակի իրենք ծառայելու են 1.5 տարի։ 1.5 տարի հետո զորացրվելու է երկու զորակոչի այն հատվածը, որը պայմանագիր չեն կնքել, դրանից ևս 1.5 տարի հետո բոլոր 4 զորակոչերը կրկին գտնվելու են բանակում՝ պարզապես 1.5 տարի ծառայելով»։
Պապիկյանը հավելեց, որ երբ ասում են՝ բանակը կրճատվում է, «էդ անտերը թվաբանություն է, բարդ չէ»։
Նա ընդգծեց․ «Պարզ հաշվարկ է, ես ոչ մի բան չեմ խեղաթյուրում»։
