Էրդողանը խնդրանքով դիմելու է Պուտինին. մանրամասներ

Թուրքիայի նախագահ Ռեջեփ Թայիփ Էրդողանը հայտնել է, որ երկուշաբթի նախատեսվում է նրա հեռախոսազրույցը Ռուսաստանի նախագահ Վլադիմիր Պուտինի հետ։ Այս մասին հայտնում է Reuters-ը։

Էրդողանի խոսքով՝ զրույցի հիմնական թեման Ուկրաինայում խաղաղության հաստատման ուղիներն ու ջանքերն են։ Թուրքիայի առաջնորդը նշել է, որ Անկարան շարունակում է գործադրել դիվանագիտական ջանքեր՝ կողմերի միջև բանակցությունների խթանման նպատակով։

Բացի այդ, Էրդողանը հայտարարել է, որ նախատեսում է Պուտինին խնդրել վերականգնել Սև ծովով հացահատիկի անվտանգ փոխադրումների վերաբերյալ գործարքը, որը կարևոր դեր ուներ համաշխարհային սննդային շուկաների կայունության ապահովման գործում։