Էրդողանը և Մակրոնը հանդիպել են. ինչ են քննարկել նրանք
Թուրքիայի նախագահ Ռեջեփ Թայիփ Էրդողանը Հարավային Աֆրիկայում անցկացվող G20-ի գագաթնաժողովի ժամանակ քննարկումներ է ունեցել Ֆրանսիայի նախագահ Էմանուել Մակրոնի հետ։ Քաղաքական առաջնորդները զրուցել են Թուրքիայի և Ֆրանսիայի միջև հարաբերությունների ներկայիս վիճակի, ինչպես նաև տարածաշրջանային ու գլոբալ զարգացումների շուրջ։
Էրդողանի և Մակրոնի հանդիպման ընթացքում անդրադարձ է կատարվել երկկողմ համագործակցության ընդլայնմանը, միջազգային անվտանգությանը, ինչպես նաև համաշխարհային օրակարգի տարբեր հիմնախնդիրներին։ Կողմերը կարևորել են երկխոսության շարունակականությունը և փոխգործակցության խորացումը՝ տարածաշրջանային կայունության ապահովման նպատակով։
