Թրամփը կոչ է արել Իսրայելի նախագահին ներում շնորհել Նեթանյահուին
Ինչպես հաղորդում է Haaretz-ը, Դոնալդ Թրամփը իր նամակում շեշտել է, որ Իսրայելի վարչապետ Բենյամին Նեթանյահուի նկատմամբ քննվող քրեական գործը ունի քաղաքական ենթատեքստ և անարդար բնույթ։
«Ժամանակն է թույլ տալ, որ Բիբին միավորի Իսրայելը՝ ներում շնորհելով նրան և վերջ տալով այս իրավիճակին՝ մեկ անգամ և ընդմիշտ»,- նշել է նա։
Ի պատասխան՝ Իսրայելի նախագահ Իցհակ Հերցոգը հայտնել է իր «խորը հարգանքը նախագահ Թրամփի նկատմամբ», սակայն ընդգծել է, որ ցանկացած անձ, ով ցանկանում է ներում ստանալ, պետք է ներկայացնի պաշտոնական դիմում՝ սահմանված կարգով և համապատասխան մարմիններում։
Ըստ The Times of Israel-ի՝ նման դիմում այս պահին դեռ չի ներկայացվել՝ ո՛չ Նեթանյահուի, ո՛չ էլ նրա ընտանիքի անդամների կողմից։
