Հիմարություն կլինի, եթե թերագնահատենք Հայաստանի հավաքականին. Հունգարիայի ընտրանու մարզիչ
Հունգարիայի ազգային հավաքականի գլխավոր մարզիչ Մարկո Ռոսին Հայաստանի հավաքականին հեշտ մրցակից չի համարում:
«Այս ընտրական փուլը Հայաստանի համար դժվար ստացվեց, քանի որ մեկնարկում մրցեց Պորտուգալիայի հետ և մենք բոլորս գիտենք, թե ինչ թիմ է Պորտուգալիան: Սակայն մեր կողմից հիմարություն կլինի, եթե թերագնահատենք Հայաստանի հավաքականին: Նրանք կարող են լուրջ խնդիրներ ստեղծել մեզ համար»,- լրագրողների հետ նախախաղային մամուլի ասուլիս ժամանակ ասաց Ռոսին:
Հունգարիայի հավաքականի մարզիչը նպատակ ունի ուշադրության կենտրոնում պահել Հայաստանի ընտրանու բոլոր դիրքերում գործող ֆուտբոլիստներին: «Այստեղ ենք ոչ մեծ անուններով, սակայն այստեղ ենք հաղթանակի համար և միայն հաղթանակի դեպքում կարող ենք դուրս գալ խմբից»,-առանձնացրեց նա:
Ֆուտբոլի աշխարհի առաջնության ընտրական փուլի նախավերջին տուրում Հայաստանի հավաքականը նոյեմբերի 13-ին կհյուրընկալի Հունգարիայի հավաքականին: Հանդիպումը կկայանա Վազգեն Սարգսյանի անվան Հանրապետական մարզադաշտում և կմեկնարկի Երևանի ժամանակով 21:00-ին։
