Կոչ եմ անում չտրվել սադրանքների և եկեղեցին պաշտպանել Կտրիճ Ներսիսյանից. Ռուբինյան

ԱԺ փոխնախագահ Ռուբեն Ռուբինյանը սոցցանցի իր էջում անդրադարձել է Արագածոտնի թեմի առաջնորդի և այլ հոգևորականների ձերբակալություններից հետո տարբեր հոգևորականների նկատմամբ թիրախավորման դեպքերին:

«Համերաշխությունս եմ հայտնում Հայ Առաքելական Եկեղեցու բոլոր այն կուսակրոն և ամուսնացյալ քահանաներին, վարդապետերին, սրբազաններին, մյուս սպասավորներին, որոնց փորձում են հալածել Կտրիճ Ներսիսյանն ու իր գաղափարակից մյուս բոլշևիկները` Եկեղեցու ներսից և դրսից:

Կոչ եմ անում չտրվել սադրանքների և եկեղեցին պաշտպանել Կտրիճ Ներսիսյանից: Ուխտազանցը պիտի հեռանա»,- գրել է նա:

Ավելի վաղ Քննչական կոմիտեն մանրամասներ էր հայտնել, թե ինչու են ձերբակալվել հոգևորականները՝ հրապարակելով լուսանկարներ: