ԱՄՆ Սենատը ավելացրել է Ուկրաինային տրամադրվող ռազմական օգնության ծավալները

ԱՄՆ-ի վերին պալատը հաստատել է երկրի 2026 թվականի պաշտպանական բյուջեի մասին օրինագծի իր տարբերակը։ Փաստաթղթի օգտին քվեարկել է 77 սենատոր, 20-ը դեմ է արտահայտվել: Այս մասին գրում է CNN-ը։

Օրինագիծը նախատեսում է Ուկրաինային պաշտպանության և անվտանգության ոլորտում օգնություն տրամադրելու նախաձեռնության երկարացում մինչև 2028 թվականը: Սենատորները որոշել են, որ այդ նպատակների համար 2026 թվականին Կիևը կստանա 500 միլիոն դոլար։

Ներկայացուցիչների պալատն ավելի վաղ հավանություն էր տվել Ուկրաինայի համար 400 մլն դոլար գումարի։