Հաջողություն եմ մաղթում բոլոր ուժերին, ովքեր արդեն որոշել են մասնակցել ընտրություններին․ Սեժ Սարգսյան
Մենք որոշում չունենք, զբաղված ենք այլ գործով: Այս մասին, դատարանի բակում ասել է ՀՀ երրորդ նախագահ Սերժ Սարգսյանը՝ լրագողների հետ զրույցում:
«Ես հաջողություն եմ մաղթում բոլոր այն ուժերին, ովքեր արդեն որոշել են մասնակցել 2026 թվականի ընտրություններին: Մենք որոշում չունենք, մենք զբաղված ենք այլ գործով: Երբ դրա ժամանակը մեր կարծիքով գա, մենք մեր որոշումը կհայտնենք»,- ասել է Սերժ Սարգսյանը:
«44-օրյա պատերազմի հանգամանքներն ուսումնասիրող քննիչ հանձնաժողովի» զեկույցն ուղարկել են արխիվ, բայց արդյո՞ք կարողանալու են արխիվ ուղարկել իրենց մեղքը կապիտուլյացիայի: Իհարկե չեն կարողանալու: Այս մասին, դատարանի բակում ասել է ՀՀ երրորդ նախագահ Սերժ Սարգսյանը՝ լրագողների հետ զրույցում:
«Ստույգ տեղեկություն չէ, իմ կարծիքով, հանձնաժողովի ստեղծումից հետո հանձնաժողովականներին ասել են հանգիստ աշխատեք, հետո կտեսնենք՝ ինչ է լինելու և այլն, և այլն: Եվ գիտակցաբար թույլ են տվել, որ հանձնաժողովը խախտի օրենքով նախատեսված ժամկետները ուսումնասիրության, այնուհետև ասել են՝ դե որ խախտել են, ինչու՞ եք բերում Ազգային ժողով, ինչու՞ եք բերում քննարկման, ուղարկեք արխիվ»,-նշել է նա:
Հավելենք, որ ՀՀ երրորդ նախագահի գործով հերթական դատական նիստը հետաձգվել է, նշանակվել հոկտեմբերի 22-ին, ժամը՝ 16:00-ին:
