Կոլումբիան արտաքսում է իսրայելցի դիվանագետներին

Կոլումբիայի նախագահ Գուստավո Պետրոյի որոշմամբ երկրից արտաքսում են իսրայելցի դիվանագետներին:

Նախագահ Գուստավո Պետրոյի որոշումը կապված է Իսրայելի ուժերի կողմից երկու կոլումբիացի քաղաքացիների ձերբակալման հետ, որոնք մասնակցել են Գազայի շրջափակումը ճեղքելու նպատակով «Fortitude Flotilla» մարդասիրական առաքելությանը։

Պետրոն նաև հայտարարել է Իսրայելի հետ ազատ առևտրի համաձայնագրի դադարեցման մասին և հանձնարարել է Արտաքին գործերի նախարարությանը նախապատրաստել իրավական գործողություններ՝ միջադեպը անվանելով «Նեթանյահուի կողմից նոր միջազգային հանցագործություն»։