Ուկրաինան չի կարող իրեն ինքնիշխան պետության պես պահել. Օրբան

Ուկրաինան չի կարող իրեն ինքնիշխան պետության պես պահել, քանի որ նրա ինքնիշխանությունը վաղուց ավարտվել է։ Այս մասին հայտարարել է Հունգարիայի վարչապետ Վիկտոր Օրբանը, նրա խոսքը մեջբերում է ՌԻԱ Նովոստին։

Հունգարիայի վարչապետը հիշեցրել է, որ Ուկրաինան կորցրել է իր տարածքի մեկ հինգերորդ մասը։ Նրա խոսքով՝ դրանով էլ ավարտվել է երկրի ինքնիշխանությունը։

«Մնացած տարածքը մենք ենք պահում։ Եվ եթե մենք, նկատի ունեմ՝ Արևմուտքը, որոշի, որ վաղը առավոտյան մենք նրանց ոչ մի ֆորինտ չենք տա, Ուկրաինայի համար ամեն ինչ վերջացած կլինի»,-հավելել է նա։

Ավելի վաղ Վիկտոր Օրբանը կանխատեսել էր Ուկրաինայի կիսումը ռազմական գործողությունների դադարեցումից հետո: Նրա կարծիքով՝ հակամարտության ավարտից հետո երկիրը կբաժանվի երեք գոտու՝ ռուսական, արևմտյան և ապառազմականացված։