Ամերիկյան New York Post օրաթերթի անդրադարձը՝ Սամվել Կարապետյանի ձերբակալմանը
Հայաստանի ամենահարուստ մարդը բանտում է, բայց նրա ընտանիքը պնդում է, որ մեղադրանքները հորինված են։ 4.4 միլիարդ դոլար կարողություն ունեցող Սամվել Կարապետյանը գրեթե երեք ամիս է, ինչ բանտում է՝ երկրի վարչապետ Նիկոլ Փաշինյանին քննադատելու մեղադրանքից հետո։ Այս մասին գրել է ամերիկյան օրաթերթերից մեկը՝ New York Post-ը։
«Ամեն ինչ սկսվեց Փաշինյանից։ Նա երկրի գլխավոր եպիսկոպոսին հորդորեց հրաժարական տալ՝ մեղադրելով նրան կուսակրոնության երդման տակ երեխա ունենալու մեջ։ Ի պատասխան՝ Սամվել Կարապետյանը ասել է. «Ես միշտ եղել եմ Հայ եկեղեցու և հայ ժողովրդի կողքին։ Եթե քաղաքական գործիչները չհաջողեն, մենք մեր ձևով կմիջամտենք եկեղեցու դեմ այս արշավին»։
Կարապետյանը, ով ունի Ռուսաստանի և Հայաստանի կրկնակի քաղաքացիություն և նշանակալի բիզնես շահեր երկու երկրներում էլ, ձերբակալվել է հունիսի 17-ին և մեղադրվել իր հայտարարության հիման վրա իշխանությունն անօրինական կերպով զավթելու հրապարակային կոչ անելու մեջ։
«Հայաստանում այլևս իրական արդարադատության համակարգ չկա, երբ խոսքը վերաբերում է մեր վարչապետին, կամ նրա դեմ խոսող յուրաքանչյուրին», - The Post-ին ասել է Կարապետյանի որդին՝ Սարգիսը, հավելելով. «Հայաստանի քաղաքական դաշտում գրեթե չկա որևէ նշանակալի անձ, որը գոնե մեկ անգամ չի բանտարկվել ներկայիս ռեժիմի կողմից»,- գրել է օրաթերթը։
