Մենք այս պահի դրությամբ արդեն 14 700 աշակերտի համար լիարժեք նոր դպրոցներ ենք կառուցել. Փաշինյան
Այն դպրոցները, որոնք այս պահի դրությամբ արդեն նորոգված են և շահագործման են հանձնված, դրանց հզորությունը թույլ է տալիս ընդունել 14 700 աշակերտ: Այս մասին այսօր՝ կառավարության նիստում հայտարարեց ՀՀ վարչապետ Նիկոլ Փաշինյանը:
«Այսինքն մենք այս պահի դրությամբ արդեն 14 700 աշակերտի համար լիարժեք նոր դպրոցներ ենք կառուցել: 300 դպրոց կառուցելու ծրագիրը բավականին լավ տեմպերով ընթանում է: Իհարկե, մենք խնդիր ունենք մեր արագությունների մասին մեր պատկերացումները փոխել: Այսօր այդ նպատակով նաեւ մեր չզեկուցվող հարցերի մեջ Քաղաքաշինության կոմիտեի հաստիքացուցակը լրացրել ենք 80 նոր հաստիքով: Դրա հիմնական նպատակը 300 դպրոց, 500 մանկապարտեզ ծրագրի տեմպը մեծացնելն է»,-ասել է Փաշինյանը:
