Քըլըչի հետ հաջորդ հանդիպումը կարծում եմ՝ կանցակցվի Թուրքիայում․ Ռուբինյան
Հայ-թուրքական հարաբերությունների կարգավորման հարցով հատուկ ներկայացուցիչների հաջորդ հանդիպումը կարող է տեղի ունենալ Թուրքիայում, այս մասին հայտարարել է Հայաստանի հատուկ ներկայացուցիչ Ռուբեն Ռուբինյանը:
«Վերջին հանդիպումը մեր 6-րդ հանդիպումն էր և առաջինը՝ երկու երկրներից մեկում, մեր երկրում, այսինքն մինչ այս բոլոր պաշտոնական հանդիպումներն անցկացրել էինք 3-րդ երկրում, մեկ անգամ հենց սահմանին, այս անգամ հանդիպումը տեղի ունեցավ Երևանում: Սա սիմվոլիկ առումով դրական է, կարծում եմ հաջորդ հանդիպումն էլ Թուրքիայում կանցակցվի։ Ամսաթիվը դեռ որոշված չէ»,-ասել է նա:
Հիշեցնենք՝ 3 օր առաջ Հայաստան էր ժամանել Հայաստան-Թուրքիա հարաբերությունների կարգավորման գործընթացի հատուկ ներկայացուցիչ Սերդար Քըլըչը։
Ավելի ուշ հայտնի դարձավ ինչ են քննարկել Ռուբեն Ռուբինյանն ու Սերդար Քըլըչը։
