Նեթանյահուն քննարկել է Գազայից պաղեստինցիների կամավոր արտագաղթի հարցը
Իսրայելի վարչապետ Բենիամին Նեթանյահուն բարձր մակարդակի հանդիպում է անցկացրել Գազայի հատվածից պաղեստինցիների «կամավոր արտագաղթի» հարցի վերաբերյալ, հաղորդում է Times of Israel-ը՝ հղում անելով մասնակիցներից մեկի գրասենյակին։
Հանդիպմանը մասնակցել են երկրի Պաշտպանության նախարարության և կաբինետի բարձրաստիճան ներկայացուցիչներ։ Հանդիպմանը քննարկվել է մի ծրագիր, որը թույլ կտա Գազայի բնակիչներին լքել երկիրը արդեն հոկտեմբերին։
Պաշտպանության նախարարությունը ներկայացրել է մի ծրագիր, ըստ որի՝ հաջորդ ամսվանից սկսած Գազայի բնակիչները օդային և ծովային ճանապարհներով կարող են լքել պատերազմից տուժած Գազայի հատվածը։ Պաշտպանության նախարարության աղբյուրները Channel 13-ին հայտնել են, որ Իսրայելը բանակցություններ է վարում մի շարք աֆրիկյան երկրների հետ՝ Գազայի բնակիչներին ընդունելու վերաբերյալ, սակայն դեռևս համաձայնության չեն եկել։ Այս քաղաքականության քննադատները Իսրայելին մեղադրում են Գազայի հատվածում պաղեստինցիներին էթնիկ զտման փորձի համար, հաշվի առնելով, որ ավերիչ պատերազմի ընթացքում այս քաղաքականությունն առաջ մղողները հեռացողներին վերադառնալ թույլ տալ չեն խոստացել՝ պնդելով, որ անկլավում իսրայելական բնակավայրերը պետք է վերականգնվեն։
