ԱՄՆ-ում ՀՀ դեսպան Նարեկ Մկրտչյանի եղբորը՝ Մկրտիչ Մկրտչյանին մեղադրանք է ներկայացվել. Factor.TV

ԱՄՆ-ում ՀՀ դեսպան Նարեկ Մկրտչյանի եղբորը՝ Մկրտիչ Մկրտչյանին մեղադրանք է ներկայացվել, նա տնային կալանքի տակ է: Այս մասին Factor.TV-ի հարցմանն ի պատասխան ասել է Մկրտչյանի փաստաբան Գեղամ Հակոբյանը:

Քննչական կոմիտեից հայտնում են, որ Մկրտիչ Մկրտչյանին առնչվող դեպքի առթիվ նախաձեռնված քրեական վարույթի նախաքննության ընթացքում մեղադրանք է ներկայացվել 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը ):

Բացի տնային կալանքից Մկրտիչ Մկրտչյանի նկատմամբ նաև գրավ ու բացակայելու արգելք է կիրառվել: Մկրտչյանի գործով այս պահին թմրանյութի ապօրինի շրջանառության մասով մեղադրանք չկա:

Հիշեցնենք, որ Նարեկ Մկրտչյանի եղբորը ձերբակալել էին ոստիկանները: Նրա մեքենայում գտնվող անձն, ըստ պաշտոնական տեղեկատվության, մեքենայից դուրս է նետել թմրամիջոցի նմանվող զանգված ու դիմել փախուստի: