Թրամփը շուտով մտադիր է խոսել Պուտինի հետ
ԱՄՆ նախագահ Դոնալդ Թրամփը հայտարարել է, որ շուտով մտադիր է խոսել ՌԴ նախագահ Վլադիմիր Պուտինի հետ։
«Շուտով ես նրա հետ զրույց կունենամ, կիմանամ, թե ինչ կանենք», - ասել է նա Սպիտակ տանը իր լեհ գործընկեր Կարոլ Նավրոցկիի հետ հանդիպման ժամանակ։
Թրամփը շեշտել է, որ լավ հարաբերություններ ունի Պուտինի հետ, բայց զգուշացրել, որ եթե ուկրաինական կարգավորման տեմպը չբավարարի, նա դեռևս ունի «երկրորդ և երրորդ փուլերի» միջոցառումներ։
Հիշեցնենք՝ Պուտինն ու Թրամփը հանդիպել են Ալյասկայի Անքորիջ քաղաքի Էլմենդորֆ-Ռիչարդսոն ռազմաօդային բազայում օգոստոսի 15-ին։ Նրանք քննարկել են ուկրաինական հակամարտության կարգավորման ուղիները։ Երկու առաջնորդներն էլ դրական են գնահատել հանդիպումը։
