Դանիան ստիպելու է գազի ներմուծողներին ապացուցել, որ դրանք ռուսական չեն

Դանիայի իշխանությունները նախատեսում են 2027 թվականից սկսած գազ գնող ընկերություններին պարտավորեցնել ապացուցել, որ վառելիքը Ռուսաստանից չէ։ Այս մասին հայտնել է Bloomberg-ը՝ հղում անելով մի փաստաթղթի, որը Դանիան առաջարկել է քննարկել ԵՄ մյուս երկրներին։

«Ենթադրվում է, որ Ռուսաստանի կամ Բելառուսի հետ սահմաններով կամ հատման կետերով, ինչպես նաև «Թուրքական հոսք» գազատարով Եվրամիություն մտնող բնական գազը ուղղակիորեն կամ անուղղակիորեն արտահանվում է Ռուսաստանի Դաշնությունից, եթե հակառակը հաստատող հստակ ապացույցներ չներկայացվեն», - ասվում է առաջարկի տեքստում։

Հրապարակման համաձայն՝ Կոպենհագենը ակնկալում է մինչև հոկտեմբեր կոնսենսուսի հասնել ԵՄ մյուս երկրների հետ Ռուսաստանից գազի մատակարարման արգելքի վերաբերյալ։