Վրաստանում դժգոհ են ԱՄՆ-ի վերաբերմունքից

«Մենք ուզում ենք ԱՄՆ-ի հետ խոսել ռազմավարական գործընկերության վերականգնման մասին։

 Մենք հույս ունենք, որ ռազմավարական գործընկերությունը կվերանայվի։ Կարծում եմ՝ ոչինչ չի խանգարի Վրաստանի և Միացյալ Նահանգների միջև հարաբերությունների լավացմանը», - լրագրողներին ասել է Վրաստանի վարչապետ Իրակլի Կոբախիձեն։

Ավելի վաղ Վրաստանի նախագահ Միխեիլ Կավելաշվիլին բաց նամակ էր հղել ԱՄՆ նախագահ Դոնալդ Թրամփին, որում նշել էր, որ Վաշինգտոնը պատշաճ ուշադրություն չի դարձնում Թբիլիսիին։