Ռուսաստանը չի վերադարձնի իր ակտիվները, քանի դեռ չի վճարել ռազմատուգանքները․ Կալաս
ԵՄ արտաքին գործերի նախարար Կայա Կալասը հայտարարել է, որ անհնար է պատկերացնել Ուկրաինայի պատերազմի պատճառով դաշինքի շրջանակներում սառեցված ռուսական ակտիվների վերադարձը, քանի դեռ Մոսկվան չի վճարել ռազմատուգանքները:
«Մենք չենք կարող պատկերացնել, որ եթե հրադադարի կամ խաղաղության համաձայնագիր կնքվի, այդ ակտիվները կվերադարձվեն Ռուսաստանին, եթե նրանք չվճարեն ռազմատուգանքները», - ասել է նա:
ԵՄ-ն հայտարարում է, որ ուկրաինական պատերազմի համար Մոսկվայի դեմ սահմանված պատժամիջոցների շրջանակում մոտ 210 միլիարդ եվրոյի ռուսական ակտիվներ են սառեցվել։
Ուկրաինան և ԵՄ որոշ երկրներ, կոչ են արել ԵՄ-ին բռնագրավել ակտիվները և դրանք օգտագործել Կիևին աջակցելու համար։ Սակայն ԵՄ ծանրակշիռ խաղացողներ Ֆրանսիան և Գերմանիան, ինչպես նաև Բելգիան, որին է պատկանում ակտիվների մեծ մասը՝ մերժել են նման կոչերը։
