Ռուսաստանը այլևս չի ցանկանում Ուկրաինայի չորս շրջանները. Հաքան Ֆիդան

Ռուսաստանը այլևս չի պնդում պատերազմի սկզբից ի վեր մասամբ գրավված Ուկրաինայի չորս շրջանների նկատմամբ լիակատար վերահսկողությունը, հայտարարել է Թուրքիայի արտաքին գործերի նախարար Հաքան Ֆիդանը։

Ֆիդանի խոսքով՝ Մոսկվան այժմ ձգտում է վերահսկողություն հաստատել միայն ամբողջ Դոնեցկի մարզի նկատմամբ և մտադիր է դիրքեր պահպանել Զապորոժիեի շփման գծի երկայնքով։

Ֆիդանը նշել է, որ նմանատիպ առաջարկներ արդեն քննարկվել են Թուրքիայում բանակցությունների, ինչպես նաև ԱՄՆ-ի և Ռուսաստանի նախագահների հանդիպման ժամանակ։ Նա ընդգծել է, որ Մոսկվայի նոր պայմանները կարող են դառնալ պատերազմի ավարտի հիմք, չնայած դրանք ընդունելը դժվար կլինի, հատկապես Ուկրաինայի համար։