Ֆրանսիան պատրաստվում է դեսպանատուն բացել Պաղեստինում
ՄԱԿ-ի Գլխավոր ասամբլեայում Պաղեստինը որպես պետություն ճանաչելուց հետո Ֆրանսիան նախատեսում է դեսպանատուն բացել Արևմտյան ափին։ Ինչպես հաղորդում է The Times of Israel-ը, այս մասին հայտարարել է Ֆրանսիայի նախագահ Էմանուել Մակրոնի խորհրդական Օֆեր Բրոնշտեյնը։
Նրա խոսքով՝ Ֆրանսիայում Պաղեստինի դեսպանատուն բացելու ծրագրեր նույնպես կան։
Դիվանագետը պնդում է, որ Պաղեստինի պետության ստեղծումը համապատասխանում է Իսրայելի շահերին։
«Եթե լիներ կայուն Պաղեստին պետություն, 2023 թվականի հոկտեմբերի 7-ի ողբերգական իրադարձությունները տեղի չէին ունենա»,- հավելել է պաշտոնյան։
