ԲՏԱ նախարարությունը ԿԸՀ–ին է փոխանցում 3 181 տեսախցիկ

ՀՀ բարձր տեխնոլագիական արդյունաբերության նախարարությունը Կենտրոնական ընտրական հանձնաժողովին է փոխանցում 3 181 տեսախցիկ։ Այս մասին համապատասխան որոշումն ընդունվեց ՀՀ կառավարության այսօրվա նիստի ժամանակ։

Նշվում է, որ ՀՀ բարձր տեխնոլագիական արդյունաբերության նախարարության հաշվեկշռում առկա գույքը՝ թվով 1583 հատ «Avigilon H4SL-BO1-IR» մակնիշի տեսախցիկները և թվով 1598 հատ «PoE-Injector-STD-EU Single port» մակնիշի տեսախցիկին հարակից սնուցման սարքերը, նախարարությունից կփոխանցվեն ՀՀ կենտրոնական ընտրական հանձնաժողովին։

Նախագծի նպատակն է կազմակերպել պետության կարիքների համար ընտրությունների տեսանկարահանման և միաժամանակյա համացանցային հեռարձակման ծառայությունների ձեռքբերման գնման գործընթացները: