Սպիտակ տան մոտ ԱՄՆ դրոշն այրել են
ԱՄՆ բանակի վետերանը ձերբակալվել է Սպիտակ տան մոտ ամերիկյան դրոշը այրելու համար՝ ի նշան բողոքի նախագահ Դոնալդ Թրամփի վերջին գործադիր հրամանագրերից մեկի դեմ, հաղորդում է տեղական Fox 5 հեռուստաալիքը։
«ԱՄՆ բանակի վետերանը ձերբակալվել է Սպիտակ տան դիմաց՝ նախագահ Դոնալդ Թրամփի վերջին գործադիր հրամանագրերից մեկի դեմ բողոքի ակցիայի ժամանակ դրոշ այրելուց հետո», - ասվում է հաղորդագրության մեջ։
Հեուստաալիքի փոխանցմամբ՝ Վաշինգտոնի վարչակազմի ղեկավար Դոնալդ Թրամփը ստորագրել է գործադիր հրամանագիր, որով ԱՄՆ իշխանություններին պարտավորեցնում է հետաքննել ամերիկյան դրոշի այրման դեպքերը և, եթե դրա համար հիմքեր կան, պատասխանատվության ենթարկել ներգրավված անձանց։
Սպիտակ տան կողմից հրապարակված փաստաթղթի համաձայն՝ ԱՄՆ Արդարադատության նախարարությունը պետք է «առաջնահերթություն տա երկրի քրեական և քաղաքացիական օրենքների հնարավորինս լիարժեք կիրառմանը ամերիկյան դրոշի պղծման գործողությունների դեմ»։
Սա վերաբերում է այն դեպքերին, երբ նման գործողությունները չեն մտնում խոսքի ազատության շրջանակի մեջ և խախտում են օրենքը։
